Хөгжмийн ертөнцийн супер одод чуулсан MTV VMA 2026

АНУ-ын Лос-Анжелес хотноо хөгжмийн ертөнцийн шилдгүүдийг тодруулдаг MTV Video Music Awards 2026 шагнал гардуулах ёслол болж байна.

Энэ жилийн MTV VMA-ийн улаан хивсний ёслолд дэлхийн алдарт уран бүтээлчид хүрэлцэн ирж, өвөрмөц хэв маяг, загварын сонголтоороо олны анхаарлыг татаж байна.

Тус наадмын хамгийн олон төрөлд нэр дэвшсэн уран бүтээлчдийн жагсаалтыг дуучин Мадонна тэргүүлж, түүний араас Тэйлор Свифт, Сабрина Карпентер нар бичигджээ.

Оны шилдэг уран бүтээлчийн шагналыг Мадонна хүртсэн бол Тэйлор Свифт “The Fate of Ophelia” дууныхаа клипээр “Оны шилдэг видео клип” шагналыг хүртжээ. Ингэснээр тэр MTV VMA-ийн түүхэнд хамгийн олон шагнал хүртсэн уран бүтээлчдийн нэг болж байна.

Харин “Оны шилдэг шинэ уран бүтээлч” шагналыг Сиенна Спайро хүртсэн бол “Оны шилдэг хамтрал”-аар Мадонна, Сабрина Карпентер нарын хамтран дуулсан “Bring Your Love” уран бүтээл шалгарчээ.

Мөн BLACKPINK хамтлагийн ЛИСА-гийн соло уран бүтээл болох “Dream” дууны клип “Оны шилдэг поп дууны клип” шагналыг хүртсэн байна.

MTV VMA нь тухайн жилийн хөгжмийн уран бүтээл, дууны клип, уран бүтээлчдийн амжилтыг онцлон тэмдэглэдэг томоохон хөгжмийн шагнал гардуулах ёслолуудын нэг юм.