ДОРНОД НИЙТИЙН АЖ АХУЙ ОНӨААТҮГ-Т ТЕХНИК, ХЭРЭГСЭЛ ГАРДУУЛЛАА

Аймгийн Засаг дарга Ш.Ёл өнөөдөр Дорнод нийтийн аж ахуй ОНӨААТҮГ-т шинэ техник, хэрэгсэл гардуулан өглөө.

Энэ үеэр БНХАУ-ын ӨМӨЗО-ы Хянган аймагтай хэрэгжүүлж буй хамтын ажиллагааны хүрээнд олгосон экскаваторыг хүлээлгэн өгсөн юм.

Экскаватор нь Хэрлэн сумын хэмжээнд гарч буй инженерийн шугам сүлжээний гэмтэл, саатлыг цаг алдалгүй арилгах, газар шорооны ажлыг шуурхай гүйцэтгэхэд нэн шаардлагатай техник бөгөөд нийтийн аж ахуйн үйлчилгээний чанар, хүртээмжийг сайжруулахад чухал ач холбогдолтой.

Тус байгууллагын албан хэрэгцээнд ашиглаж байсан автомашин ашиглалтын хугацаа дуусч, ашиглалтаас гарсан тул байгууллага өөрийн хөрөнгөөр парк шинэчлэлт хийж дуудлагын үйлчилгээнд ашиглах жижиг тэрэг авсныг мөн хүлээлгэн өгсөн юм.

Уг дуудлагын зориулалтын жижиг тэрэг нь байгууллагын 24 цагийн үйл ажиллагаанд ашиглагдаж, хэрэглэгчдээс ирсэн дуудлагын дагуу гэмтэл, саатлыг түргэн шуурхай арилгах зориулалттай.

Шинээр ашиглалтад орж буй эдгээр техник, хэрэгслүүд нь Дорнод нийтийн аж ахуй ОНӨААТҮГ-ын үйл ажиллагааны чадавхыг нэмэгдүүлж, инженерийн шугам сүлжээний найдвартай ажиллагаа болон иргэдэд хүргэх үйлчилгээний шуурхай, хүртээмжтэй байдлыг дээшлүүлэхэд бодит хувь нэмрийг оруулах юм