Дорнод аймгийн 23 дугаар сургууль физикийн хичээлийн туршилтын цогц хэрэглэгдэхүүнтэй боллоо

Аймгийн Засаг дарга Ш.Ёл орон нутгийн төсвийн 48 сая төгрөгийн хөрөнгө оруулалтаар 23 дугаар ерөнхий боловсролын сургуулийн физикийн хичээлд ашиглагдах туршилтын тоног төхөөрөмж, багц хэрэглэгдэхүүнийг хүлээлгэн өглөө.

Тус арга хэмжээнд аймгийн удирдлагууд, холбогдох албаныхан, боловсролын салбарын төлөөллүүд оролцож, сургалтын орчин нөхцөлийг сайжруулах чиглэлээр хийгдэж буй ажлуудын талаар санал солилцов.

Энэхүү хөрөнгө оруулалт нь сурагчдын онолын мэдлэгийг практик туршилтаар бататгах, шинжлэх ухааны хичээлд сонирхол нэмэгдүүлэх, цаашлаад чадварлаг боловсон хүчин бэлтгэхэд бодит хувь нэмэр оруулах ач холбогдолтой юм.

Цаашид орон нутгийн зүгээс боловсролын салбарт чиглэсэн хөрөнгө оруулалтыг нэмэгдүүлэх, сургалтын чанар, хүртээмжийг сайжруулахад онцгой анхаарч ажиллана гэдгийг албаныхан онцоллоо.