Дональд Трамп Токиод айлчилж, Японы шинэ Ерөнхий сайд Санаэ Такаичитэй уулзжээ

АНУ-ын ерөнхийлөгч Дональд Трамп Токио хотноо айлчилж, Японы шинэ Ерөнхий сайд Санаэ Такаичитэй уулзлаа. Талууд ховор метал болон стратегийн элементийн нийлүүлэлтийн сүлжээг баталгаажуулах хамтын ажиллагааны гэрээнд гарын үсэг зуржээ. Энэ нь Хятад экспортын хяналтаа чангатгасны дараах алхам юм.

Гэрээний зорилго нь хоёр улсын эдийн засгийн бодлого, хөрөнгө оруулалтыг уялдуулж, ховор металын шударга, найдвартай зах зээлийг хөгжүүлэхэд чиглэнэ гэж Цагаан ордны мэдэгдэлд дурджээ.

Такаичи “АНУ-Японы шинэ "Алтан үе"-ийг эхлүүлж, хоёр улс илүү хүчирхэг, хөгжин цэцэглэх болно” хэмээн мэдэгдэв. Трамп түүнийг Японы анхны эмэгтэй Ерөнхий сайд болсонд нь баяр хүргээд, “Тэр бол Японы хамгийн агуу удирдагчдын нэг болох болно” гэж хэлжээ.

Талуудын хэлэлцээ худалдаа, аюулгүй байдлын асуудалд төвлөрсөн бөгөөд Трамп хоёр орны эдийн засгийн хамтын ажиллагаа “Дэлхийн хөгжилд чухал хувь нэмэр оруулна” гэж онцолсон байна.

Эх сурвалж: The Guardian