Попын хатан хаан Мадоннагийн шинэ цомог тун удахгүй

Попын хатан хаан Мадонна шинэ цомгоо удахгүй гаргах гэж буйгаа зарлаж, шүтэн бишрэгчдэдээ бэлэг барилаа. Тэрээр 2005 оны Грэммийн шагналт “Confessions on a Dance Floor” цомгийнхоо үргэлжлэл “Confessions 2” цомгоо ирэх 7-р сарын 3-нд худалдаанд гаргахаа албан ёсоор мэдэгдлээ. Энэхүү цомог нь Мадоннагийн 2019 онд гаргасан “Madame X” цомгоос хойших уран бүтээл юм. "Confessions 2" нь түүний 15 дахь удаагийн бүрэн хэмжээний цомог аж.

Диско урсгалын эргэн ирэлт

Анхны "Confessions" цомог нь 1970-аад оны диско хэмнэлийг орчин үеийн электроник хөгжимтэй хослуулж, дэлхий даяар 10 сая гаруй хувь борлогдож байсан. Шинэ цомог ч мөн адил тухайн үеийн бүжгийн талбайн эрч хүчийг эргүүлэн авчирна гэсэн хүлээлттэй байна.