Тэтгэврийн зээлийн хүүг 18 хувиас бууруулж, хугацааг 36 сар болгожээ

УИХ-ын гишүүн С.Эрдэнэбат ХААН банкны удирдлагад хандаж, 2025 оны 12-р сарын 24-ний өдөр санал хүргүүлэх тухай албан бичиг илгээжээ.  

Уг албан бичигт тэтгэврийн зээлийн хүүг бууруулж, зээлийн хугацааг 36 сар болгон сунгахыг хүссэн байна. Албан бичигт хариуг ХААН банкны захирал 2026 оны 1-р сарын 2-ны өдөр хүргүүлсэн байна. 

ХААН банк, УИХ-ын гишүүн С.Эрдэнэбатын санал болон харилцагчдынхаа эрэлт хэрэгцээ, хүсэлтийг хүлээн авч, 2026 оны 1-р сарын 2-ноос тэтгэврийн зээлийн хугацааг шинэчлэн тогтоож 36 сар хүртэл хугацаагаар олгож эхэллээ.

Мөн Монголбанкны Мөнгөний бодлогын хорооны 12-р сарын 11-ний өдрийн шийдвэрүүд нь тэтгэврийн зээлийн хүүг бууруулах боломж олгосонтой холбогдуулан зээлийн хүү 18 хувь байсныг 15.6 -17.4 хувь болгон бууруулжээ.

УИХ-ын гишүүн С.Эрдэнэбат хүсэлтийг хүлээн авч шийдвэрлэсэнд талархал илэрхийлээд, энэ асуудлаар бусад банкны удирдлагуудтай уулзаж ярилцана гэж өчигдөр орой цахим хуудаснаа мэдээлжээ.